شكاوى البائعين بحلقة السمك لرئيس مجلس مدينة قلين
هذه احدى الشكاوى التــى وردت الينا من احد المواطنين تم ارسالها الينا من صفحتنا الرسمية على الفيسبوك
من المواطن: ايمن عمر
بسم الله الرحمن الرحيم
بعد التحيه ارجوا من سيادة محافظ كفر الشيخ ان يرحمنا من البلطجيه نحن شباب ليس له عمل غير بيع الاسماك فى الاسواق بس فى مركز قلين مجلس المدينة ماجر السوق لبلطجية بياخده مننا على البوكسه 25 جنيه بمعدل كل كيلو جنيه يعنى الواحد مننا معاه 8بوكس يدفع 160 جنيه ورحنا اشتكينا فى مجلس المدينه قال هكلمهم وان حد اتكلم وقال ياناس حرام عليكم احنا خسرانين ينضرب وتفتح السكاكين فى وشه وتتاخد فلوسه ونيضرب وينهان
ارجو من سعادتكم ان ترفعو الظلم
فى مركز سيدى سالم بندفع 5 جنيه على الفرش ولكن مركز قلين بيتاجر فى قود الناس طاب احنا هنشتغل ايه
دول هم 3 ايام فى الاسبوع اللى بنفرش فيهم هنبطل نشتغل الاحد
وناكل منين وربنا احنا عيشين تحت خط الفقر بكتير
ارحمنا من مجلس مدينة قلين والبلطجيه هو احنا الهم ورانا ورانا وكمان بعد الثوره
